PROIEKTUAK

Eskola honetan jorratzen diren gainontzeko proiektuak bi bloketan daude banatuta, horien artean, Irratia eta Telebista, eta Prentsa eta Liburutegia.

Irratia eta Telebista

Irrati eta telebista proiektuetan, teknologia berriak erabiltzeko teknikak jorratuko dira.

Aparailu teknologikoak erabiltzen ikasiko dute, hala nola, bideo kamerak, edota ordenagailuko beste programa batzuk, komunikazioa lantzeko, elkarrizketa eta aurkezpenen bitartez. Hiruko taldeak sortuko dira proiektu hauek egiteko, eta ikasle bakoitzak urtean zehar burutuko ditu jarduera hauek.

Helburua, irrati eta  telebista saio bat egitea da, ondoren, gainerako ikasle guztien aurrean aurkezteko. Gainerakoen parte hartzea ere egongo da, bai telebistan bai irratian, eskola eta munduko albisteak  partekatzeko.

Bietan, irakasle baten azalpenak izango dituzte eta ondoren, egun osoan zehar bakarrik arituko dira lanean. Telebista saioan, arduradunek, bideo bat grabatuko dute euskara bultzatzeko eta indartzeko, gainerakoak elkarrizketatzen, antzerki bat eginez…

Irrati saioan, baita ere, egunean zehar irrati saioa prestatzen arituko dira, beste irrati ekintza batzuk egiteaz gain.

Telebistan, kamera arduradun bat, aurkezle edo kazetari bat eta telebistako ekintzak kontrolatzen dituen bat egongo dira. Bestetik, irratian, kazetari bat, teknikari bat era harrerako arduradun bat.

Irrati eta telebistako lan metodoa:

Lan metodoan, jarduera jakin bat garatzeko jarraitu behar diren urratsak azaltzen dira. Irrati eta telebistako lan metodoa egunaren planifikazioan oinarritzen da, beraz, ikasleek, ondorengo jarraibideak bete beharko dituzte.

·         - Lana antolatu

·         - Albistegirako behar duten gidoia prestatzea

·         - Albistegia burutzea

-     - Erreportajeko argitalpenean jardutea : bideoak grabatu, landu, musika gehitu...

   - Egunean zehar grabatzeko eta programa desberdinak igortzeko izaten dituzten gainerako klaseetako eskaintzez arduratzea

Prentsa eta Liburutegia

Prentsa proiektuan, LEA izeneko aldizkari bat prestatuko dute ikasleek. Lauko taldeak sortuko dute aldizkaria baina bikoteka lan egingo dute. Urtean zehar ikasle bakoitzak bi aldizkari sortuko ditu bikotekide desberdinarekin.

Bertan, eskolako bitxiak eta 2. Eta 3. Zikloetako ikasleek bidalitako lanak bilduko dira, bai ipuinak, bertsoak, olerkiak… Helburua, prentsa ezagutzak garatzea izango da, ordenagailuko programak erabiliz. Aldizkari bat moldatzen ikasiko dute. Aldizkaria egin eta gero, 2. eta 3. Zikloetako ikasleek, denon artean klasean irakurriko dute, iritziak partekatuz. Azkenik, Liburutegi proiektuan, liburutegiko ardura hartuko dute bi ikaslek.

Hartzen eta itzultzen diren liburuen kontrola izango dute eta liburuen antolaketa burutuko dute. Hau ere, binakako lana izango da, urtean zehar bi alditan egin beharko dutena, baina honetan, bikotekide berdinarekin. Irakasle baten azalpenak izango dituzte eta ondoren egunean zehar bakarrik arituko dira. Hala ere, zalantzaren bat izan ezkero irakasleari galdetzeko aukera izango dute.

Proiektu honen helburua liburutegi baten funtzionamendua ikastea da, zerbitzu bat eskaintzen ari diren bitartean.