ESKOLAZ KANPOKO JARDUERAK

Aurten eskolaz kanpoko hainbat jarduera martxan jarri ditugu, gure ustez, denak positiboak edota hezkuntzari bideratuta daudenak modu batean edo bestean. Pintura, musika, ikasketa teknikak, futbola, saskibaloia eta atletismoa dira jarduerak. Guraso askok jarduera hauetara apuntatzen dituzte umeen denbora librea gutxitzeko eta hauek okupatuta izateko. Guk berriz, ez dugu behartzen apuntatzera baina eskolaz kanpoko jarduera hauek bere alde onak dituztela uste dugu.

Alde batetik, umeen garapena, batez ere, ahalmen gehien dituzten arloetan, harremanak bultzatu formala den gelatik kanpo. Gainera, aukerak ematen ditu: eskolatik kanpo dauden beste arlo desberdinetan jardutea bultzatzen eta bestetik, etorkizunari begira, nahiz eta zaila izan gure umeen artean atera daiteke musikari, margolari edo kirolari ospetsu bat, batek daki. Horrez gain, konpetibitatea ekiditea, zeren nahiz eta kirol bat izan, eskola-kirolean irabaztea ez da garrantzitsuena parte hartzea baizik.

Beste aldetik, irudimena lantzen laguntzen dituen zenbait jarduera daude; musika eta pintura batez ere. Gainera aurten, jarduera berri bat jarriko dugu martxan, ikasketa teknikak, bertan ikasteko teknikak irakasten dira eta umeen emaitzetan eragina izango duela aurre ikusten dugu. Beraz, aipatutakoarekin espero dugu zuen eskolaz kanpoko jardueren kontzeptua edo ideia aldatzea eta denbora betetzeko ekintzak direla uste zenutenok, orain euren onerako direla ustea.

Hainbat ekintzetara apuntatu ahal dira. Ekintzak bi multzotan banatzen ditut, eskolan bertan egiten direnak eta lankidetzan burutuko direnak:

Berezkoak, futbola, saskibaloia eta pintura: hauek sortzeko gutxienez 8 ume egon behar dira apuntatuta. Futbolean eta saskibaloian entrenatzaileak ikasle ohiak izaten saiatuko gara eta entrenamenduak astean bi egun izango dira, horrez gain, eskualdeko eskola arteko txapelketa batean parte hartuko da eta bertan partiduak asteburuetan izango dira. Gurasoen konpromisoa da umeak partiduetara eramatea. Pinturan berriz, irakasle bat kontratatuko dugu taldea sortuz gero. Astean behin egingo da eta bi ordu egunean.

Lankidetzan berriz, ikasketa teknikak, musika eta atletismoa daude. Atletismorako, herrian bertan klub bat dago eta bertan eskola desberdinetako umeak batzen dira taldea osatzeko, entrenamenduak astero bi egun izaten dira baina interesatuak baleude klubarekin kontaktuan jarriko ginen. Musikarako ere herriko musika eskolan batzen dira. Bi ordutegi izaten dituzte; eguerdian edo arratsaldean, baina biak astero bi egunekin eta 45 minutuko klaseetan banatuta.

Azkenik, ikasketa teknikak daude, jarduera hau aurten eusko Jaularitzak asmatu du umeen emaitzak hobetu daitezen, herriko kultur gunean burutuko da eta astean behin egingo da beste ikastola batzuetako umeekin.