METODOLOGIA

Eskolako metodologiari esker, eskolako ezaugarri nagusiak jakin daitezke eta horretarako oinarrizko bi dokumentu aipatzea eta bakoitza zertan datzan azaltzea beharrezkoa da: bata, Ikastetxeko Hezkuntza Proiektua (I.H.P) eta bestea, Ikastetxeko Curriculum Proiektua (I.C.P) dugu.

Ikastolako Hezkuntza Proiektua oinarrizko dokumentua da ikastetxe batean, eta bertan hezkuntza asmoa, lortu nahi dena eta jorratuko dena jasota dago. Bestetik, Ikastetxeko Hezkuntza Proiektua ikaslearen kontzepzioa da, eta beste ikastetxean eramango den ikasteko proiektua bermatzen da. Kasu honetan, Amara Berri proiektuan dago zentratuta, hona hemen ezaugarriak:

AMARA BERRI SISTEMA

Sistema edo metodologi honen ezaugarriak ikertzea, saiakuntzak egitea eta berritzea dira eta izan dira. Lehentasunetariko bat hezkuntza-asmoaren, praktikan jartzearen eta ikastetxearen antolamendu eta prestakuntza egituren arteko koherentzia bermatzea da.

Honi esker, ikastetxe batetan gaitasunetan oinarritutako curriculumaren marko teorikoa garatu daiteke, eta ikasgeletako jarduerak zehazte: horrek metodologia-aldaketak dakartza ikastetxe bateko  hezkuntza-jardunean eta antolamendu-aldaketak, berriz, antolatzeko moduan. Aldaketa horiek, aldiz, hezkuntza-komunitateak osatzen dituzten elementuen arteko rol berriak eta gauzak egiteko modu berriak osatzen dituzte. Egia esan, garrantzitsua da ikuspegi global batetik sortzen diren ekimen guztiak eskola bakoitzaren kulturarekin bat egitea.

1. Ikaslegoaren kontzeptua

Sistema honetako hezkuntzaren oinarria ikasle bakoitzari zuzentzen da, nahiz eta parte hartzen dutenei ere eragiten die. Ikaslea proiektu honetara bideratzen dugunean, kontuan izaten dugu ikasle bakoitzak ez galtzea bere ikaste prozesua eta ongizatea irakasleen, familien... interesen gainetik.

Honela definitzen dira ikasleak metodologia honen arabera:

- Pertsona globala: Ikasle bakoitza izaki globala da, beraz bere garapen esparru guztiak hartzen dira kontutan sistema hau aplikatzerako orduan: nortasuna, harreman sozialak eta arloarekin loturiko ikasketak. HONEN XEDEA UMEAREN GARAPEN ARMONIKO ETA GLOBALA DA. Beraz, eskolako helburu orokorrak biziki lotuta daude garapen hiru esparru hauekin.

- Haur bakoitzak bere interes eta motibazioarekin ariketak jorratzea.

-  Bere eskema kontzeptual eta emozionalak zehatzekin: Izaki bakoitza NORBERE KONTZEPTU ESKEMA eta emozio-egoeratik abiatzen da eta bere ahalmena du.

- Bakoitzak bere potentzial propioa izatea.: Badago berezitasun bat haur guztiak batzen dituena: JOLASERAKO INTERESA. Jolasaren bidez helduen mundua imitatzen dute eta imitazioz ikasten dute.

2. Printzipio Metodologikoak

Printzipio metodologikoak ikaslearen kontzepzioarekin guztiz lotuta daude eta hauek gure eguneroko eginbeharrak bideratzen dituzte:

Indibidualizazioa: Eskolak, ikasle bakoitzak dituen ahalmen eta egoera kontuan hartutik, bere mailan eta erritmoan lan egiteko aukera emango dion programa ahalbideratu behar dute.

Sozializazioa:  Elkarreraginak aurrera jotzen eta gure eskemak aldatzen laguntzen digu; honengatik,  proposatzen diren aktibitate guztiak kontestu sozialak dira.

Aktibitatea: "Ikasleak bere kasa egin dezakeena, ez dezala irakasleak egin". Proiektu hau ezartzen dutenen helburua ikasle gogotsuak, aurrea hartzen dutenak eta jakimina dutenak lortzea da. Azken finean, motibazioa duten ikasleak.

Sormena: gizaki orok duen gaitasuna da hau. Sistema honek eremu guztietan sustatzen duen kontzeptua da, pertsona bakoitzak barruan daramana kanporatu eta bere berezitasunaz jabetzeko aukera izan dezan aukera ematzen zaio. Ez du axola barruan daramana ona ala txarra izatea, helburua kanporatzea da eta ingurukoek hura ulertzea eta errespetatzea.

Askatasuna: Besteen eskubidea errespetatuz, bakoitzak pentsatzeko, adierazteko, eta aukeratzeko duen eskubidea da. Muga bakarra besteen eskubidea da, honi "muga soziala" deitzen diogu. Aurreko printzipioarekin lotuta dago printzipio hau.

Normalizazioa: Haur bakoitzak inguruan duen espazioa eta bizitzen ari den egoeraz jabetzen joateari deitzen zaio normalizazio prozesua. Egoera berri eta aldakorren aurrean bere buruarekiko konfiantza sustatu nahi dugu erantzuna ahalik eta baikorrena izan dadin. Gainera, beste kide guztiek ere egoera desberdinak hausnar ditzakete eta egoera horien aurrean kidearekin nolako jokatu behar duten irakatsi ahal zaie.

Globalizazioa: Bizitza globala da. Haurra bizirik eta bizitzen egotea nahi da eskolan eta bizi delako ikasiko du.

3. Ezaugarri Metodologikoak

Sistema honetan erabiliko diren metodologiarekin loturiko ezaugarriak hurrengoak izango dira:

•   Egitura antolatzailea esku-hartzearen estrategia bat da
•  Programazioa testuinguru sozial, egonkor eta osagarrien bitartez egingo da.
•   Ikasleriaren interesei erantzuten diotenez, jolasa testuinguruen esentzia izango da.
• Atal espezializatuak egongo dira.
• Desberdintasuna aintzakotzat hartzen da baina kalitate bezala, ez faktore diskriminatzaile bezala.
• Programak zikloka emango dira eta gainera adinak nahastu egingo dira.
•  Irakasle ugarik egiten dute lan talde batekin, ez talde bakoitzeko irakasle bat bakarrik.
•  Lanean erabiliko den metodoa beti izango da kontutan.
•  Ekintza edo jarduera guztiek izango dute zertarako bat. Irratia entzuterakoan, telebista ikusterakoan, antzerki bat ikusterakoan... zertarako egin duten ariketa hori jakin beharko dute ikasleek.
•  Kritika konstruktiboa faktore aurreratzaile bezala hartzen da.

Lehen esan bezala, Ikastetxeko Curriculum Proiektua (I.C.P) dokumentuaren bitartez aurreko ideiak eguneroko praktikan gauzatuko dira edota, gauzatzen dira. Ikasleari buruzko ikasteko erak, dena antolatzeko, programatzeko, esku hartzeko eta jarraipena egiteko era zehatz batera eramaten du. Ondoren datozen metodologia ezaugarriek, ikuskera eta hezkuntza-praktikaren arteko koherentzia adierazten dute. Hona hemen dokumentu hau kontutan izanda, ikastetxean landuko diren edukiak.

- Antolamoldea bera esku harmenetarako oinarrizko estrategia da.

- Osagarri eta egonkorrak diren testuinguru sozialen bidez programatzen da, hau da, ikuspuntu multidisziplinarrean arloak elkar batzen diren bizi ekintzen bidez. Aktibitate hauei Testuinguru Sozial, Egonkor eta Osagarriak deitzen zaizkie. Sozialak, umeen arteko harremanak sustatzen dituztelako; egonkorrak, ziklo osoan mantentzen direlako; osagarriak aktibitateen baturak curriculuma osatzen duelako.

- Aktibitate guztiek beraien baitan edo ematen zaien irteeretan helburu bat izaten dute. Lanak irteera desberdinak izan ditzake, gela barruan besteen aurrean aurkeztu,... edo eskola irrati eta telebistaren bitartez emititu edo eskola prentsan argitaratu. Baliabide hauen bitartez ikasleek Informazio eta Komunikaziorako Teknologia Berrietan jarduten dute, Testu prozesadoreak, Interneta, Skanerra, Argazki kamera digitala, bideo kamera, bideoen editaia,... erabili eta ikasiz.

- Ziklo programen bitartez eta adin nahasketarekin lana egingo da.

- Irakasle desberdinek lan egiten dute ikasle talde bakoitzarekin.

- Aktibitate bakoitza burutu ahal izateko, ikasleek idatzitakoa lan metodoak dituen pausoak jarraitu behar dituzte.

- Mediateka edo baliabide gunea lanak burutzeko oinarrizko informazio etorbidea da.

- Kritika eraikitzaileak aurreratzeko baliabidetzat joko dira.

- Aniztasunaren aldekoak. Programa kontutan hartuz, ikasle bakoitzak bere erritmo eta mailaren arabera heldu diezaioke. Ikasketa prozesua ez da adinagatik geldiarazten.

- Ezberdintasuna aberasgarriagoa da eta ez diskriminatzeko arrazoia. Denok ezberdinak gara.